السبت، 24 يناير 2009

اترك الهم ينساك وان افتكرته سلاك







اترك الهم ينساك
فى حد سمع المقوله دى قبل كده
طب اللى سمعها يعرف معناها والقصه بتاعتها
هو ده اللى هتكلم فيه
المقوله دى معناها بكل بساطه " الابتعادعن ذكر الهموم لان تذكرها سيكثر منها"
اما عن القصه بتاعتها فهى كالتالى
يحكى انه هنال جلاد اسمه حسن"يبيع الجلود ويشتريها" وكان يعيش مع امرائته فى عيشه سعيده وكان كلما كسب اى اموال من عمله وضعها فى الكور"جلد الماعز" وفى يوم من الايام مر من امام امراءه جلاد اخر فقامت ببيع كل الجلود بما فيها هذا الكور فلما غضب حزن واخ يضرب على السندان"حديده لصنع الجلود" ويقول "اترك الهم ينساك وان افتكرته سلاك يا محسنك يا كور عند اللى اشتراك........................كوِِِر ياحسن كور"الى ان مر عليه فى احد الايام الملك وسمعه وسأله لما يقول ذلك فاخبره عن القصه فتعجب الملك
وقام بجمع كل الجلادين من المملكه واخذ كل الجلود الى ان وجد مال حسن الجلاد فاعطاه له
بس هى دى القصه
بس ايه رايكم متيجى نترك الهم .....

هناك 3 تعليقات:

Asmaa Fathi يقول...

اه سمعته يا صفوت بس مكنتش اعرف القصه

بس انا معتقدش ان الهم لو نسيته هينساك

مفيش حاجه بتتنسى لا انت هتقدر تنساه ولا هو ممكن ينساك ممكن تتجاهله شويه وتعمل نفسك ناسيه بس اكيد مش هتنساه فى الواقع

تقبل تحياتى

Safwat Rabea يقول...

ازيك جنه شرفتى المدونه




بس لازم تنسى الهم عشان تعرفى تتخلصى منه ونعرف نفكر فى حل ليه

بنات افكارى يقول...

السلام عليكم

ماشاء الله فكرة مدونتك جميلة
ومفيدة كمان اول مرة اعرف
قصة المثل وفعلا الهم اشد جنود الله
على قول سيدنا عمرو ان اشد جنود الله
عشرة اولهم الجبال وبعدين الحديد لانه يقطع فى الجبال وبعدين النار لانها بتسيح الحديد
وبعدين الماء لانه بيطفيء النار وبعدين السحاب لانه بيحمل الماء فى صورة مطر وبعدين الرياح لانها بتزيل السحاب وبعدين الانسان لانه بيسظل من الرياح وبعدين الكحول لانه بيتغلب على عقل الانسان وبعدين النوم لانه بيقضى على تاثير الكحول وبعدين الهم
لانه بيقضى على النوم ولذلك فالهم هو اشد جند الله
يصعب فعلا التغلب عليه ولكن اعتقد بذكر الله
وقربنا منه وبقوة ايماناان شاء الله نقدر
سعدت بزيارة مدونتك وماتنساش تيجي تاخد التاج
من عندي تحله لو معندكش مانع