الأحد، 8 مارس، 2009

نبدأ حلقات مسلسل ** من فات قديمه **




بسم الله الرحمن الرحيم

نبدأ الحلقه الاولى من مسلسل من فات قديمه

الحلقه دى بعنوان( برعى وستيته)

اول حاجه ننزل بالتتر

بطوله برعى

بالاشتراك مع نجمه الترعه الشرقيه ستيته البخيله

سيناريو وحوار انا ابوعمار السويفى

انتاج تليفزيون الباثواى د كاسب وشركاءه

اخراج انا برده صفووووووووت

حقوق الطبع محفوظه لتليفزيون الباثواى (pathways TV)

يبدأ المسلسل بمجيئ برعى ( السئيل جدا ً ) زياره على اخته ستيته ( البخيله جدا ً جدا ً)

المهم صاحبنا اكل ونام ولما طلع عليه النهار قابل اخته ستيته وقالتله

الشمس طلعت واتجلت واللى عنده ضيف يتسلت

بمعنى ان الشمس طلعت فى السماء واللى عنده ضيف يتفضل يمشى (ناصحه بتطرده بالشعر والمثال )

ام صاحبنا رد عليها وقال

وحياه من حلاها وجلاها الضيف ما يمشى الا ان ملاها

صاحبنا حلف باللى طلع الشمس ان ما هايمشى الا ان اكل وشبع

فردت عليه ستيته الخبيثه

يا عجين ياللى عجنتك بكره قومه وبعد خبزتك

يعنى هيا عجنت العجين وبكره هيختمر وبعده هتخبزه يا مين يعيش

صاحبنا عطالها الرد القاطع وقال

يا شهر ياللى هليت فى اولك جيت وفى اخرك مشيت

وقطع عليها طريق الرجعه وقالها ان هوا قاعد لاخر الشهر علما انه لسه فى اول الشهر

النهايه وانتظروا الحلقات القادمه


هناك 4 تعليقات:

بنات افكارى يقول...

:)))

حلوة بجد

كان يامكان كان في
واحد بني سويفي ( من بني سويف يعني )

:))
لسه بيقول على النساء نسوان
اهجمو عليه بئا

ولا اقولكم :)
هانعديها علشان بلديات بس وعلشان
اخويا الصغير :)

بس بجد ماشاء الله حكاية حلوة
واسلوبك كمان كويس ربنا يباركلك

بنت أبيها يقول...

هههههههههههههههههههه

لا فعلا سئيل سئيل

ايه السئل اللى هما الاتنين فيه

وكمان الصورة اللى مع الموضوع تحفة

انا اول ما شوفتها شعري عمل زي حواجبه دي

ههههههههههههه

بس مجموعة امثال جديدة اول مرة اسمعها

تسلم ايدك اخونا الصغنون

:)

وفاء بركات يقول...

كل سنه وانت طيب
حكايه جميله والكلام صد و رد في المليان
في إنتظار الجديد
تحياتي

ابو عمار السويفى يقول...

سا الف مرحب بيكم يا زوار الجامدين مرحبتين ليكى يا بنات افكارى
وخمس مراحب ليكى يا بنت ابها انتى وابله وفاء وقسمهوم مع بعض