السبت، 13 يونيو 2009




هذه الحلقه برعايه


سوق الهلايل(موضوع الحلقه التانيه)


نرجو من المشاهدين قبل قراءه هذه الحلقه
ان يراجعو الحلقات السابقه وخاصه الحلقه التانيه
الا طبعا متابعينا الاوفياء
سوق الهلايل
اكبر سوق لتجاره الحمير
لدينا من الحمير الكثير
ولكن احذرو من غباءهم
لدينا الحمار الامريكى
والحمار الروسى
والانجليزى والفرنساوى
ولدينا نوع جديد من الحمير
ولكن احذروا منه
لانه مبيجيش الا بالضرب
انه الحمار الاسرائيلى
ولكن احذروا من الحمار البلدى
لانه حمال الاسيه
وتذكروا جيدا ً
" اغبى انواع الحمير هو ما يعتقد انه من الخيول"

مع تحيات المعلم

سلومه الجحش



والان مع الحلقه الرابعه من المسلسل الكوميدى

من فات قديمه

اتحاد الاذاعه والتلفزيون
بلاشتراك مع
(PATHWAYS TV) تلفزيون الباثواى
يقدمون
(من فات قديمه)

بطوله نجم حوض ولاد ابو اسماعيل
تامر الحمش (بطل الحلقه التانيه)
بالاشتراك مع مراته نجمه الترعه الشرقيه
ستيته البخيله
والنجم القدير
محمدين افندى
(اخو تامر بس من ام واب تانيين)

تاليف
صفوت ربيع
(ابوعمار السويفى)

تصوير
المشكله مش فى التصوير المشكله فى المنتج مش رادى يجيب لنا كاميرات

ويقوم بدور الراوى

فنان الاجيال (ابو عمار)

انتاج

(PATHWAYS TV) تلفزيون الباثواى

اخراج
صفووووووووووووووووووووت


بعد الخناقه اللى كانت بين ستيته وتامر الحلقه التانيه
وهما اتصالحو بعديها
طبعا ً بشروط الطرف الاقوى
اللى هوا
هوا مين
طب ايه رائيكم نخلى الاجابه اخر الحلقه
ولا اقولكم نخليها سؤال واجابتو نعرفها من جوه الحلقه ماشى
وبعد ما اتصالحو وقاعدين فى البيت فى امان الله
الباب خبط(تق تق تق تق)
تامر: مين اللى بيخبط
محمدين: انا اخوك محمدين
تامر: قومى يا ستيته افتحى
ستيته: رجليا منمله
تامر: جاتك قطع رجلك ( فى سره طبعا)
طبعا تامر لانه مش عايز مشاكل واخو واقف بره

جه على نفسه ( زى كل مره) وقام فتح
تامر: ازيك يا محمدين عايز حاجه
محمدين: اما انت دغف صحيح دى مقابله
تامر: يوووووووووه نسيت خش
محمدين: ازيك يا ستيته
ستيته: اهلا يا محمدين اتفضل
محمدين :
عاملين ايه
تامر : خش فى الموضوع
محمدين : اوكيه مان انا عايز الحماره بتاعتكم

تامر : ليه
محمدين : هاجيب عليها طلبات من السوق

طبعا كل ده وستيته قاعده تتفرج
وبما ان تامرالحمش حمش وكلمته سيف قام بص لستيته وسكت ومقدرش يقول لاخو ايوا ولا لأ
واستنى شويه قامت ستيته قالت
ستيته: ومال خدها يا محمدين
وطبعا تامر سمع الاجابه قا رد
تامر : بس ابئى حطلها شويه برسيم
هههههههههههههه لا راجل يا تامر استنى لما ستيته ردت وبعدين اتكلم
بس كده الحلقه خلصت
ها مين بئى الطرف الاقوى من نظركم مستنى ردودكم

هناك 6 تعليقات:

بنت أبيها يقول...

:D

Safwat Rabea يقول...

فعلا D:

الحرامي يقول...

انا شايف ان الطرف الاقوي هو عباس ابن اخو ستيته من ابو اام تانيين
طبعا هو كان نايم جوه كسل يطلع في الحلقه دي
افتكر اني ممكن اشوفه الحلقه الجايه


مدونه لذيذ
تقبلو تحياتي

أبو العريف يقول...

ييييييييييييييه
انا نسيت وعلقت بالمدونه القديمه بتاعة الحرامي
اللي انا قفلتها من زمان وتبت واعلن توبتي
فما تخافوش علي حميركم
مش هسرق حاجه

Safwat Rabea يقول...

شكلك متابع يا استاذ حرامى اوعى تكون حاطط عينك على حماره من سوق الهلايل
بس بما انك توبت يا ابو العريف فانا بقولك شكرا ع الزياره وابقى كررها

~PakKaramu~ يقول...

Visiting your blog